Catégorie : الطبخ

عالم الطبخ المغربي | الروز بالدجاج الي حماقو عليه ضيافي والطريقة بالصور | جربوه راه كيجي روعة

الروز بالدجاج

الطبق ديال الروز بالدجاج
المقادير
الدجاج على حساب عدد الاشخاص
الدجاج ومحكوك بالحامض والخل والسكنجبير ومغسول و مقطع ومستقطر
2 بصلات مقطعين
الفلفلات كبار مقطعين ومن الاحسن يكونو منوعين وفالالوان
والتوابل غنحتاجو
السكنجبير _ البزار _ الخرقوم البلدي _ الملح _ واحد الضامة الزعفران _ والى كان الزعفران حر متوفر يكون حسن
2 وراق سيدنا موسى
4 او 5 الحبات من قاع قلة ومن القرنفل
2 عواد القرفة
المعدنوس والثومة مدقوقين
الطريقة
كنخلطو التوابل كلها ونزيد عليها كاس مبين الزيت البلدية والرومية وكاس الماء
نديرو الدجاج فالشرمولة
ومن الاحسن نخليوه شي ساعتين يترقد ويشرب
من بعد كنقليه
ونزيد عليه البصلة
ومن بعد الفلفلة
كيتشحر كولشي ونمرق منكثرش الماء ونديرو على عافية مهيلة حتى يطيب هاهو فالصورة
مين كيطيب الدجاج كنزولو من الكوكوط ونخليه على جنب
ونعاود نمرق الكوكوط تقريبا انا عبرت بالكاس ديال مولينكس
انا زدت فالمرق جوج حبيبات ديال قاع قلة والقرنفل و واحد ورقة سيدنا موسة ونص ملعقة صغيرة ديال السمن
باش كيجي الروز منكه اكثر وكمية الروز الي درت كيلو الروز كلاصي
نقصت ليه حتى هو العفية وخليتو تشرب وحضيو معاه
عنداك تنساوه ويتعجن ليكم خاصو يجي واقف والى نشف وجاكم باقي ماطاب زيدوه الماء غير بالقياس
كنسخنو الدجاج ونقدموه مع الروز
كنتمنى يعجبكم الطبق وجربوه راه كيجي روعة فالمذاق (منقول)