نكت

 نكت مغربية مكتوبة الموت ديال الضحك 

xyz monde
https://www.youtube.com/c/noktablags

واحد جاتو الفاكتورة ديال الما غالية بزاف عيط للشركة ديال الما قال ليهوم: أهياوينا، ياكما الشتا هاد العام على حسابي؟


 

واحد البنت كانت غادية ف الطريق، شوية وقف عليها واحد خينا عجباتو. قال ليها: عطيني التلفون ديالك. البنت يصحابها شفار، رمات ليه البورطابل ومشات تجري.


هادا واحد مكلخ عندو شي فلوس وبغى يخبيهم ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس.


واحد مبوق جالس ف القسم، كل شوية كيضحك ف التالي ضحك واحد الضحكة بالجهد قال ليه المعلم: نتا مالك واش تسطيتي؟ قال ليه المبوق: راه كنت كنعاود لراسي النكت، واخر وحدة أول مرة نسمعها.


هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة. ناض السيد كيضحك. سولو القاضي: مالك؟ قال ليه: كانت كتديها كاملة


واحد مبوق داز حدا باه ف الزنقة وميك عليه. مشى عندو باه قال ليه: مالك ما شفتينيش؟ قال ليه المبوق: لا شفتك، غير ما عرفتش فين.


هادا واحد الراجل كاري، وكان السقف ديال الخشب بالي وكيدير الصداع بزاف ملي جا مول الدار يتخلص الكرا، قال ليه الكاري: خويا صاوب لينا هادا السقف، راه كيخلعنا قال ليه مول الدار: ما تخافش، راه غير كيسبح الله قال ليه الكاري: راني خفت يجيه الخشوع ويسجد.


هادي وحدة قصيرة دخلات السانسور بغات تطلع ليتاج عشرة، وما وسلاتش البوطون، ناضت وركات على خمسة جوج خطرات.


خضار و جزار تخاصموا على البلاصة في السوق. الجزار ضرب الخضار بكيلو وهو يسخف. جا الإسعاف دا الخضار للصبيطار،و ملي فاق لقى الفرامليا لابسين الطابليات دايرين بيه. وهو يقول ليهم: وا شهدوا عليه أمالين صيكوك، واشهدوا عليه أمالين صيكوك.


واحد قال لصاحبو: سلفني 500 درهم الله يرحم بيها الواليدين. قال ليه صاحبو: 200 درهم اللي عندي. قال ليه لاخور: ماشي مشكل، عطيها ليا ونبقى نسالك 300 درهم.

هادا واحد خينا مبوق مع راسو، وجاه البرد بزاف ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.


سولوا واحد الفار: علاش عزيزين عليك البنات؟ ڭال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند.


واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا. قال ليه السرباي: الدنيا هانية، ولا عليك، ما كانتش سخونة.


واحد الكسول سول المعلم ديال الانجليزية: أستاد، أشنو المعنى ديال why؟ قال ليه الأستاد: علاش. قال ليه الكسول: لا، غير سولت. قال ليه الأستاد: علاش أبنادم، علاش. قال ليه الكسول: راه غير بغيت نتعلم الانجليزية.


الشوافة و 20 درهم

قاليك هادي واحد الشوافة قالت لوحد دري اجي مشا عندها قالتليه عتيني 20 درهم اونقوليك شنو عندك قاليها كون كنتي عارفة شنو عدي كون راكي عرفتي بلي ماعندي والو


مبروك على ماليه
هاذا واحد الولد شاف شي بنت وبغا يدير معاها أي حاجة وديك لبنت باغا المعقول لموهيم ديما لالالالالالالا واحد النهار دار راسو مرا حاملا ومشا للأرض ألي حدا دارهم البنت خرجات كتجري تعتقها زعما وهو يشدها وبدات كتغوت باااا راه ولد كال ليها مبروك على ماليه